ਅੰਮ੍ਰਿਤਸਰ, ਧਰਮ ਪ੍ਰਚਾਰ ਕਮੇਟੀ ਦੇ ਸਾਬਕਾ ਪ੍ਰਚਾਰਕ ਗਿਆਨੀ ਬਲਬੀਰ ਸਿੰਘ ਚੰਗਿਆੜਾ ਜੋ ਵਿਸ਼ਵ ਪ੍ਰਸਿੱਧੀ ਪ੍ਰਾਪਤ ਕਰ ਚੁੱਕੇ ਹਨ ਦੀਆਂ ਹੱਡ ਬੀਤੀਆਂ ਅਧਾਰਤ “ਅਭੁੱਲ ਯਾਦਾਂ” ਕਿਤਾਬ ਅੱਜ ਅਕਾਲੀ ਬਾਬਾ ਫੂਲਾ ਸਿੰਘ ਬੁਰਜ ਵਿਖੇ ਇੱਕ ਸਧਾਰਨ ਸਮਾਗਮ ਵਿਚ ਰਲੀਜ ਕੀਤੀ ਗਈ।
ਇਸ ਪੁਸਤਕ ਵਿਚ ਚੰਗਿਆੜਾ ਸਬੰਧੀ ਵੱਖ-ਵੱਖ ਸਖਸ਼ੀਅਤਾਂ ਨੇ ਆਪਣੇ ਵਿਚਾਰ ਅੰਕਿਤ ਕੀਤੇ ਹਨ ਉੱਥੇ ਗਿ: ਬਲਬੀਰ ਸਿੰਘ ਨੇ ਆਪਣੇ ਜੀਵਨ ਘਾਲ ਵਿੱਚ ਵਾਪਰੀਆਂ ਇਤਿਹਾਸਕ ਘਟਨਾਵਾਂ ਨੂੰ ਵੀ ਕਲਮਬੰਧ ਕੀਤਾ ਹੈ।ਇਸ ਕਿਤਾਬ ਦੇ ਸੰਪਾਦਕ ਦਿਲਜੀਤ ਸਿਮਘ ਬੇਦੀ ਨੇ ਕਿਹਾ ਕਿ ਪ੍ਰਚਾਰਕ ਸ਼੍ਰੇਣੀ ਲਈ ਇਹ ਪੁਸਤਕ ਪੜ੍ਹਨਯੋਗ ਤੇ ਅਗਵਾਈ ਦੇਣ ਵਾਲੀ ਹੈ।ਉਨ੍ਹਾਂ ਕਿਹਾ ਕਿ ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ ਦੇ ਵਿਦਿਆਰਥੀ ਰਹੇ ਭਾਈ ਚੰਗਿਆੜਾ ਨੇ ਪ੍ਰਚਾਰ ਖੇਤਰ ਵਿੱਚ ਵਿਸ਼ਵ ਪੱਧਰ ਤੇ ਪ੍ਰਸਿੱਧੀ ਪ੍ਰਾਪਤ ਕੀਤੀ ਹੈ।ਗੁਣਵਾਨ ਪ੍ਰਚਾਰਕ ਤੇ ਬੁਲਾਰੇ ਵਜੋਂ ਗਿ: ਬਲਬੀਰ ਸਿੰਘ ਦੀ ਧਾਕ ਹੈ।ਇਸ ਸਮੇਂ ਭਾਈ ਜਸਵੰਤ ਸਿੰਘ ਹਜ਼ੂਰੀ, ਰਾਗੀ ਸ੍ਰੀ ਹਰਿਮੰਦਰ ਸਾਹਿਬ, ਸ੍ਰ. ਜਸਵਿੰਦਰ ਸਿੰਘ ਦੀਨਪੁਰ ੳ ਐਸ ਡੀ ਸੁਪਰਡੈਂਟ ਤਖ਼ਤ ਸੱਚਖੰਡ ਸ੍ਰੀ ਹਜ਼ੂਰ ਸਾਹਿਬ, ਸ੍ਰ. ਜਗਜੀਤ ਸਿੰਘ ਜੱਗੀ, ਪ੍ਰਸ਼ਾਸਕ ਤਖ਼ਤ ਸ੍ਰੀ ਹਰਿਮੰਦਰ ਜੀ ਪਟਨਾ ਸਾਹਿਬ ਬਿਹਾਰ, ਸ੍ਰ. ਸੁਰਜੀਤ ਸਿੰਘ ਰਾਹੀਂ ਸਾਬਕਾ ਜਨਰਲ ਮੈਂਨੇਜਰ ਭਗਤ ਪੂਰਨ ਸਿੰਘ ਪਿੰਗਲਵਾੜਾ, ਡਾ. ਗੁਰਚਰਨ ਸਿੰਘ, ਬਾਬਾ ਭਗਤ ਸਿੰਘ ਮਹੰਤ ਬੁਰਜ ਅਕਾਲੀ ਬਾਬਾ ਫੂਲਾ ਸਿੰਘ ਛਾਉਣੀ ਬੁੱਢਾ ਦਲ, ਸ੍ਰ. ਹਰਜੀਤ ਸਿੰਘ, ਸ੍ਰ. ਗੁਰਦੇਵ ਸਿੰਘ ਢਿਲੋਂ ਆਦਿ ਹਾਜ਼ਰ ਸਨ।